Fransanın ifrat sağçı siyasətçilərindən olan Marin Le Penin həbs cəzası və siyasi qadağadan sonra Türkiyədə məskunlaşmaq qərarına gəldiyi iddiası böyük səs-küyə səbəb olub. Le Penin qərarını qardaşı da təsdiqləyib.Məhkəmə tərəfindən 4 il həbs və 5 il siyasi qadağaya məhkum edilən Le Penin apelyasiya prosesi davam edərkən Türkiyəyə köçəcəyi iddiası siyasi dairələrdə böyük əks-səda doğurub.
“Rassemblement National” (RN – Milli Birlik) partiyasındakı mənbələrdən alınan məlumata görə, Le Penin Antalyada bacısı Karolaynaya məxsus villaya köçəcəyi təsdiqlənib.
Türkiyədən apelyasiya prosesini izləyəcək Le Penin əvvəlcə Antalyada 1 il qalmağı planlaşdırdığı, prosesin uzanmasından asılı olaraq bu müddətin 5 il və ya daha çox uzana biləcəyi bildirilir.
Məlumdur ki, siyasətə gəlməmişdən əvvəl vəkil işləyən Marin Le Penin keçmiş hüquq firmasında türkiyəli ortağı olub. Onun uşaqlığını keçirdiyi və ailəsinə məxsus olan Brittani bölgəsindəki qalaya bənzər malikanəni ötən il türk iş adamına satdığı da məlum olub.
Le Pen ailəsinin Türkiyədə investisiya məsləhətçiliyi və daşınmaz əmlak şirkətlərində eyni iş adamı ilə gizli ortaqlıqları olduğu iddiaları da var.
çap et