Bir şəhər düşünün ki, onun Heydelberq universiteti kimi qədim ali məktəbi olsun. Bir universitet düşünün ki, oradan 56 Nobel mükafatı laureatı çıxıb…
Baden-Vürtemberq vilayətinin şimal-qərbində, Neckar çayının sahilində yerləşir bu şəhər.
160.000 əhalisi var.
İkinci Dünya müharibəsi zamanı müttəfiq orduların bombalamadığı və heç dağıntılara məruz qalmamış şəhərlərdən biridir.
Amerikan Hərbi İdarəçiliyinin mərkəzi bu şəhərdə yerləşirdi.
Bu səbəbdən də şəhərin bəxti gətirmişdi.
Heydelberqi məşhur edən həm də Heydelberq qalasıdır.
Qala dağın yamacında, Neckar çayı vadisinin üstündə ucalır.
Qotik üslubda 1214-cü ildə inşa edilib.
Heydelberqə universitetlə tanış olmaq, məşhur qalasını ziyarət etmək, qaladakı tarixi əczaxananı görmək üçün gəlmişik.