Pentaqonun sözçüsü Sean Parnell bu addımın Yaxın Şərqdə “sabitliyi təşviq etmək, aqressiv davranışın qarşısını almaq və sərbəst ticarət axınını qorumaq üçün” atdığını bildirib.
ABŞ Müdafiə Nazirliyi (Pentaqon) İranla davam edən gərginlik fonunda Yaxın Şərqə əlavə hərbi vasitələrin yerləşdiriləcəyini açıqlayıb.
Parnell bildirib ki, müdafiə naziri Pit Heqsetin göstərişlərinə uyğun olaraq, ABŞ-ın Yaxın Şərqdəki hərbi potensialı artırılacaq.
Parnell bölgəyə əlavə döyüş təyyarələrinin yerləşdiriləcəyini və beləliklə, ABŞ-ın hava hücumundan müdafiə qabiliyyətini artıracağını bildirib.
Parnell xəbər verir ki, nazir Heqset “İran ABŞ-ın regiondakı maraqlarını təhdid edərsə, tədbir görəcəklər” deyib.
Trampın İrana danışıqlar üçün çağırışları və təhdidləri ABŞ prezidenti Donald Tramp martın 7-də İran lideri Ayətullah Əli Xameneyiyə məktub yazaraq həm təhdid, həm də danışıqlara çağırdığını açıqlayıb.
Xamneyi həmçinin bildirib ki, ABŞ danışıqlar tələb etməklə problemləri həll etmək deyil, daha çox öz tələblərini irəli sürüb hökmranlıq qurmaq istəyir və İran bunu qəbul etməyəcək.
Məktub bir neçə gün sonra Birləşmiş Ərəb Əmirlikləri tərəfindən İrana çatdırılıb və İran məktubuna cavabını martın 27-də Oman vasitəsilə göndərdiyini açıqlayıb. İran xarici işlər naziri Abbas Araqçı Tramp təhdidlərini davam etdirdiyi müddətcə ABŞ ilə birbaşa danışıqlara getməyəcəklərini açıqlayıb və vasitəçilər vasitəsilə dolayı danışıqlara hazır olduqlarını qeyd edib. Araqçı Trampın tələbinin əksinə olaraq yalnız nüvə məsələsi ilə bağlı danışıqlar aparacaqlarını və ölkəsinin müdafiə qabiliyyəti məsələsinin danışıqlara açıq olmadığını bildirib.
Tramp ölkə mediasına verdiyi açıqlamada ABŞ-la razılığa gəlmədiyi təqdirdə İranı heç vaxt görünmədiyi dəhşətli tərzdə bombalayacağı ilə hədələyib.
İran lideri Xameneyi də Trampın hücum təhdidlərini həyata keçirməsi ehtimalını görmədiklərini, lakin istənilən hücuma sərt cavab verəcəklərini bildirib.
çap et