ABŞ-ın Texas ştatında baş verən qəzada “Tesla Cybertruck” avtomobili “Mercedes G-Series” cip tipli avtomobili ilə toqquşaraq yarıya bölünüb. Paslanmayan polad örtüyü ilə davamlılığı ilə seçilən modelin vurduğu ziyan suallar doğurdu.
“Tesla”nın gülləkeçirməyən paslanmayan poladdan olan “Cybertruck”, Texas ştatının Frisko şəhərində baş verən qəzada ciddi zədələnib.
“Electrek.co”nun verdiyi məlumata görə, “Mercedes G-Class” markalı avtomobilinin sürücüsü sükan idarəetməsini itirərək səkidə dayanmış 7 avtomobilə çırpılıb.
Toqquşmadan ən çox zərər görən avtomobillərdən biri də “Tesla”nın davamlılığı ilə tanınan “Cybertruck” modeli olub. Güclü şassi ilə təqdim edilən elektrik yük maşını qəzanın təsirindən yarıya bölünüb.
Səlahiyyətlilər qəzaya sürücünün sükan arxasında yaşadığı sığlıq probleminin səbəb olduğunu bildirib. Sürücü xəstəxanaya aparılarkən park edilmiş avtomobillərdə heç kimin olmaması baş verə biləcək fəlakətin qarşısını alıb.
Hadisə yerindən paylaşılan görüntülərdə “Cybertruck” arxa hissədən aydın şəkildə ayrılıb.
“Tesla”nın gülləkeçirməz paslanmayan poladdan xarici görünüşünə ciddi ziyan vurulması avtomobilin davamlılığı ilə bağlı yeni müzakirələrə səbəb olub.
Təxminən 2700 kiloqram ağırlığında olan “Mercedes G-Class”ın zərbə sürəti ilə bağlı dəqiq məlumat olmasa da, “Tesla”nın qəza ilə bağlı açıqlama verib-verməyəcəyi maraq doğurur.
çap et