ABŞ-ın Ankaradakı səfirliyinə namizədi Tom Barak Senatdakı təsdiq dinləmələrində “Avropa, Asiya və Yaxın Şərqin ən strateji kəsişməsində yerləşən dəyərli NATO tərəfdaşımız Türkiyənin NATO-ya saysız-hesabsız töhfələri var”, – deyib.ABŞ prezidenti Donald Trampın Ankara səfirliyinə namizədliyini irəli sürdüyü Barak Senatın Xarici Əlaqələr Komitəsinin iclasında ABŞ-Türkiyə münasibətlərini dəyərləndirib.
“Türkiyə NATO-nun ən böyük ordusundan biridir”, – deyən Barak daha əvvəl dəfələrlə olduğu Türkiyənin bölgədə çox əhəmiyyətli bir ölkə olduğunu və ABŞ-Türkiyə əlaqələrinin çox dəyərli olduğunu bildirib.
“Avropa, Asiya və Yaxın Şərqin ən strateji kəsişmə nöqtəsində yerləşən dəyərli NATO tərəfdaşımız Türkiyənin NATO-ya verdiyi töhfələr saysız-hesabsızdır. NATO-nun ən böyük ordu və dəniz donanmalarından birinə sahib olan Türkiyə İŞİD-lə mübarizədə çox dəyərli tərəfdaşdır”. Barak Türkiyənin xüsusilə İŞİD-lə mübarizədə çox mühüm rol oynadığını bildirib.
Ankaranın regional roluna toxunan Barak, “Türkiyə NATO-nun Ukraynaya dəstək mövqeyini dəstəkləyib, Ukraynaya qiymətli pilotsuz təyyarələr verib və Qara Dəniz Taxıl Təşəbbüsünə vasitəçilik etdi”, – deyib.
Türkiyənin İstanbul və Çanaqqala boğazlarından keçidi Montrö Konvensiyası çərçivəsində tənzimlədiyini və bunun strateji əhəmiyyət daşıdığını qeyd edən Barak, “Prezident Ərdoğanın və Trampın iki ölkə arasında ortaq hədəfi olan 100 milyard dollarlıq ticarət həcminə asanlıqla nail oluna bilər”, – deyib.
Digər tərəfdən ABŞ-ın Ankara səfirliyinə namizəd Barak Suriya ilə bağlı sualı cavablandırarkən YPG-nin PKK-nın bir parçası olduğunu etiraf edib.
Barak, “PKK-nın bir hissəsi olan, həm Türkiyənin, həm də bizim terrorçu qrup olaraq təyin etdiyimiz YPG ilə bağlı çaşqınlıq var, lakin YPG İŞİD-in yox edilməsində bizə kömək etdi”, – deyib.
çap et