ABŞ prezidenti Donald Tramp həftə ərzində proqramın taleyini müzakirə etmək üçün rəsmilərlə görüşəcək.
TikTok-un ABŞ əməliyyatlarının satışı üçün başladılan proses aprelin 5-də başa çatır və proqramın taleyi həmin tarixə qədər bəlli olacaq. Əks halda, sosial media proqramı ABŞ-da milli təhlükəsizlik səbəbi ilə qadağan oluna bilər.
“The New York Times”ın məlumatına görə, son dəqiqə təklifi “Amazon”dan gəlib. Texnologiya nəhəngi bütün TikTok-u almaq təklifi ilə çıxış edib.
Prezident Donald Tramp proqramın taleyini müzakirə etmək üçün bu həftə rəsmilərlə görüşməyə hazırlaşır.
“The Financial Times” xəbər vermişdi ki, ABŞ-ın vençur kapitalı firması “Andreessen Horowitz”, tətbiqi almaqda maraqlı olan digər Amerika investorlarını da əhatə edən “Oracle”ın rəhbərlik etdiyi təklifin bir hissəsi olaraq TikTok-a investisiya etmək üçün danışıqlar aparır. Bu təklif aprelin 5-də sona çatacaq rəsmi müraciət müddəti ərəfəsində ən güclü variantlardan biridir. Digər tərəfdən, keçən həftə özəl kapital firması “Blackstone”dan fərqli bir investisiya hərəkəti gəldi. “ByteDance” TikTok-un ABŞ-dakı əməliyyatlarına investisiya qoymağı və mövcud qeyri-çinli investorlar “Susquehanna International Group” və “General Atlantic” ilə birlikdə şirkətə yeni kapital təqdim etməyi planlaşdırır.
Yadınızdadırsa, prezident Tramp ötən həftə Çinin “ByteDance” şirkəti ilə TikTok-u satmaq üçün sövdələşmənin olacağı təqdirdə Çinə tətbiq edilən gömrük rüsumlarını azaltmağa hazır olduğunu açıqlamışdı.
çap et