ABŞ-ın ən zəngin şəhərlərindən biri Los-Ancelesin şərqində Sadə insanlar üçün qapalı zona var. Amma demək olar ki, heç kəs onun varlığından xəbərdar deyil. Çünki burada yaşayan milyonerlər və milyarderlər bu dəbdəbəli “sığınacaq”ın tanınmasını istəmirlər.Təxminən 2 milyon əhalisi olan San Qabriel Vadisindəki Bredberi (Bradbury), təsadüfi ziyarətçilər üçün darıxdırıcı bir yerdir. Ticarət mərkəzləri, gəzmək üçün səkilər demək olar ki, yoxdur. Şəhər tamamilə şəxsi mülklərdən və qapalı icmalardan ibarətdir.
Kənardan bura daxil olmaq demək olar ki, mümkün deyil. Ziyarət etmək istəyirsənsə, kimisə tanımalısan. Əks halda, hətta qapıları döymək də qadağandır. 1997-ci ildə yarandığı vaxtdan şəhər sakinləri hətta kənar maşınların da burada dayanmasını istəmirlər. Küçələrin əksəriyyəti ya dalana dirənir, ya da hündür divarlar və təhlükəsizlik qapıları ilə əhatə olunub.
Buradakı malikanələr dəbdəbənin zirvəsini təmsil edir. “Google Street View” vasitəsilə belə baxıla bilməyən bu evləri ancaq lüks daşınmaz əmlak elanlarında görmək olar.
Məsələn, daşınmaz əmlak maqnatı Don Abbi tərəfindən tikilmiş 35.000 kvadrat metrlik malikanə 2012-ci ildə 78,8 milyon dollara satışa çıxarılıb. Malikanənin içərisində şərab zirzəmisi var. Burada poker otağı, 10 avtomobillik qaraj, nəhəng hovuz və hətta məşhur aktrisa Lüsi Liunun tez-tez ziyarət etdiyi atıcılıq poliqonu var...
Bredberi təkcə var-dövləti ilə deyil, həm də sərt qaydaları ilə seçilir. Şəhər qanunu yad adamların qapıları döyməsini qadağan edir. Şəxsi mülkdə sərxoş olmaq, ictimai yerlərdə söyüş söymək də olmaz.
Bundan əlavə, 18 yaşına çatmamış gənclərin dərs saatlarında valideynsiz küçəyə çıxması qadağandır.
çap et