Amerika Birləşmiş Ştatlarının ən böyük ticarət tərəfdaşı olan Avropa Birliyi (AB) ABŞ prezidenti Donald Trampın bloka qarşı geniş rüsumlar elan etməsindən sonra qisas alacağını açıqlayıb.Dünən Ağ Evdə çıxış edən Tramp aprelin 9-dan etibarən AB-dən idxal edilən mallara 20 faizlik rüsum tətbiq etdiyini açıqlayıb. O, həmçinin AB-nin ABŞ-ı istismar etdiyini iddia edərək vəziyyəti acınacaqlı adlandırıb.
Avropa Komissiyasının sədri Ursula von der Leyen bugünkü video bəyanatında “Prezident Trampın açıqlaması dünya iqtisadiyyatına böyük zərbə vurur. Danışıqlar uğursuz olarsa, maraqlarımızı və biznesimizi qorumaq üçün əlavə tədbirlər görməyə hazırlaşırıq”, – deyib.
Von der Leyen daha əvvəl AB-nin güclü “kozır” kartlarına malik olduğunu deyərək, cavab tariflərinin və Amerika texnologiya şirkətlərini hədəf almağın seçimlər arasında olduğunu əlavə etdi.
çap et