“Wall Street”dəki strateqlər və investorlar Trampın tariflərinin böyüməyə aşağı, inflyasiyaya isə yuxarı təsir göstərəcəyini gözləyirlər.ABŞ-da tənəzzül ehtimalı ilə bağlı təxminlərin yenidən nəzərdən keçirilməli ola biləcəyini proqnozlaşdıran “Wall Street”ə görə, şirkətlərin mənfəət proqnozlarına aşağı istiqamətli təzyiq də arta bilər: “Bu, ticarəti yavaşlatacaq və qiymətləri yüksəldəcək, marjaları sıxacaq. Bu, qlobal ticarətdə sürtünmə və təhrif yaradacaq, onsuz da yavaşlayan iqtisadiyyatı daha da ləngidəcək. Düşünürəm ki, biz qisas gözləməliyik – bu, yəqin ki, daha da eskalasiyaya gətirib çıxaracaq”, – “JonesTrading Institutional Services”in baş bazar strateqi Maykl O'Rurk bildirib.
“Miller Tabak + Co”dan Mett Meyli, “Bəzi investorların gözlədiyi son dəqiqə rahatlığı baş vermədi. Tramp Administrasiyası bu tarif siyasətlərinin bazarlara göstərəcəyi qısamüddətli təsirdən narahat görünür. Bu o deməkdir ki, önümüzdəki həftələrdə qazanc proqnozlarına çox diqqət yetiriləcək. Əgər səhm bazarı üçün qazanclar daha da aşağı düşə bilər”.
“Məni ən çox bizneslərə və istehlakçılara təsir edən qeyri-müəyyənlik səviyyəsindən narahatam. Əgər növbəti bir neçə ay və ya rüb ticarət danışıqlarına sərf olunarsa, bu qeyri-müəyyənlik yüksək olaraq qalacaq. Mən zərərin bir hissəsinin artıq vurulduğundan narahatam, buna görə də artıma təsirindən narahatam”, – “JPMorgan Asset Management Fond”un meneceri Priya Misra bildirib.
“Columbia Threadneedle”dən Ed Əl-Husseyni də tarifləri qısa müddətdə artım üçün mənfi və inflyasiya üçün yüksəliş kimi qiymətləndirib.
çap et
