Almaniyada qadınlara qarşı zorakılıq cinayətlərində narahatlıq doğuran artım var. Zorlama, cinsi zorakılıq və ölümlə nəticələnən ağır cinsi cinayətlər 2024-cü ildə 9,3 faiz artdı. 2023-cü ildə 12.186 hadisə qeydə alınarkən, 2024-cü ildə bu rəqəm 13.320-yə yüksəldi. Hökumət bunun qarşısını almaq üçün bütün ölkə daxilində “ispan modeli” qandallar yaymağı planlaşdırır. Qadına şiddətə yol verənlərə qarşı elektron ayaq biləyi istifadəsinin genişləndirilməsi fikrini yenidən gündəmə gətirilib.2024-cü il ərzində ümumilikdə 1,327,417 nəfər cinayətin qurbanı olub; Onlardan 550 536 nəfəri qadın olub. Qətl və qəsdən adam öldürmə qurbanlarının 44,8 faizini qadınlar təşkil edib. “Cinsi azadlığa qarşı cinayətlər” kateqoriyasında qurbanların 91,3 faizi qadınlardır və onların təxminən üçdə biri 18 yaşdan aşağıdır. Hazırda Almaniyanın altı ştatında (Hessen, Hamburq, Saksoniya, Bavariya, Brandenburq və NRW) elektron ayaq biləyi bilərzikləri məişət zorakılığı hallarında yalnız məhdud şəkildə istifadə olunur.
Nümunə olaraq “İspan modeli” götürülür. Bu təcrübənin ölkə miqyasında genişləndirilməsi XDİ və SPD arasında koalisiya danışıqları zamanı gündəmdə idi. Nəzərdə tutulan dəyişiklik zorakılıq törədənlər üçün “məhkəmə qərarı ilə elektron halqaların” tətbiqi üçün ümummilli miqyasda hüquqi baza yaratmaq məqsədi daşıyır. “İspan modeli”ni nümunə götürsək, həm cinayətkarın, həm də qurbanın yeri daima izlənəcək. İki tərəf bir-birinə çox yaxınlaşdıqda sistem avtomatik olaraq siqnal verəcək.
çap et