Qarşılıqlı tariflər açıqlaması ilə dünya ticarətini və bazarlarını silkələyən ABŞ prezidenti Donald Tramp ölkə bazlı danışıqlara açıq olduğuna işarə edib. Tramp bir neçə ölkəyə yüksək “qarşılıqlı” tariflər elan etdikdən sonra tarifləri danışıqlara aça biləcəyini açıqlayıb.Tramp əgər digər ölkələr fövqəladə bir şey təklif edərsə, tarifləri azaltmağa açıq olduğunu söyləyib.
Dünən “Air Force One” təyyarəsində jurnalistlərə danışan Tramp, birjalardakı çöküşə baxmayaraq tarif elanından sonra istiqraz gəlirlərinin azalmasından məmnun olduğunu və iqtisadi turbulentliyin sakitləşəcəyinə inandığını deyib. “Tariflər bizə danışıqlar aparmaq üçün böyük rıçaq verir. Hər ölkədən bizə zənglər gəlib”.
ABŞ prezidenti, TikTok-un ABŞ əməliyyatlarının satışını təsdiqlədiyi təqdirdə 34 faiz qarşılıqlı tarif elan etdiyi Çinə tarif endirimləri təklif etməyə hazır olduğunu bir daha vurğulayıb.
Tramp tariflərə cavab olaraq bazarlarda hərəkətlilik gözlədiklərini də bildirib.
çap et