Milyarderlərin əksəriyyəti 50-79 yaş arasındadır. Dünya əhalisinin orta yaşı 30-dan aşağı olsa da, “Forbes”in milyarderlər siyahısına cəmi 21 gənc düşüb. Bunların əksəriyyəti var-dövlətini qazanmamış, miras yolu ilə və ya ailə əmlakında payla əldə etmiş insanlardır.Son məlumatlara görə, dünyanın ən perspektivli milyarderlərindən 7-si Almaniyadandır. Siyahının başında 19 yaşlı gənc yer alıb.
ABŞ-ın “Forbes” biznes jurnalının məlumatına görə, dünyanın ən gənc milyarderi də almandır. Digər zəngin insanlar diqqət mərkəzində qalmağı xoşlasa da, 19 yaşlı Yohannes fon Baumbax çox tənha bir həyat sürür. O, cəmi 19 yaşında olarkən siyahıya düşə bilib. Onun təxminən 5,4 milyard dollar sərvəti səhmlərə əsaslanır, çünki ailəsi əczaçılıq şirkəti “Boehringer Ingelheim”in qurucu tərəfdaşlarından biridir.
Bununla belə, dünyanın ən zəngin ailələrindən birinin varisi haqqında çox şey məlum deyil. “Forbes”in məlumatına görə, onun 27, 25 və 23 yaşlı üç bacısı (Maksimilian, Katharina və Franz) var və eyni miqdarda səhmlərə sahibdirlər.
Yohannes fon Baumbax haqqında yeganə məlum olan şey onun Avstriyada xizək yarışlarında iştirak etməsidir. Onun və ya bacı-qardaşlarının ictimai fotoları yoxdur. Əczaçılıq şirkətini Yohannesin əmisi Hubertus fon Baumbax idarə edir. O, 1885-ci ildə şirkəti quran Albert Boehringerin nəvəsidir. “Forbes”in məlumatına görə, Almaniya ən perspektivli milyarderlərin olduğu ölkədir. Bu göstəricələrdə ikinci yerdə İtaliya gəlir.
çap et