Qlobal bazarlar tarif xəbərləri ilə alovlanarkən, ABŞ prezidenti Donald Tramp geri çəkilməyəcəyi ilə bağlı açıqlama verdi. Sosial media hesabından açıqlama verən Tramp xarici investorlara qarşı siyasətinin heç vaxt dəyişməyəcəyini bildirib.Tramp öz paylaşımında bildirib ki, bu, ABŞ üçün daha da varlanmaq üçün mükəmməl zamandır.
Tramp etdiyi açıqlamada danışıqlara işarə edib. Tramp bir çox ölkəyə yüksək “qarşılıqlı” tariflər elan etdi və sonra tarifləri danışıqlara aça biləcəyini söylədi.
Tramp, əgər digər ölkələr “fövqəladə” bir şey təklif edərsə, tarifləri azaltmağa açıq olduğunu söyləyib.
İki gün əvvəl “Air Force One”da jurnalistlərə danışan Tramp, birjalardakı çöküşə baxmayaraq tarif elanından sonra istiqraz gəlirlərinin azalmasından məmnun olduğunu və iqtisadi turbulentliyin sakitləşəcəyinə inandığını söylədi.
“Tariflər bizə danışıqlar aparmaq üçün böyük rıçaq verir. Hər ölkədən bizə zənglər gəlir”, – deyən ABŞ prezidenti, TikTok-un ABŞ əməliyyatlarının satışını təsdiqlədiyi təqdirdə 34 faiz qarşılıqlı tarif elan etdiyi Çinə tarif endirimləri təklif etməyə hazır olduğunu bir daha vurğulayıb. Tramp tariflərə cavab olaraq bazarlarda hərəkəti gözlədiklərini də bildirib.
çap et