Maks Verstappen “Honda”nın evində və rənglərində poul qazandı. Bu xüsusi rəng çalarına yaraşan uğur idi. Amma Maksdan başqası bunu bacara bilməzdi. Mixael Şumaxerin Suzukada 2000-ci ildəki möhtəşəm poul dövrəsini xatırlatdı. O da az fərqlə bir “McLaren” pilotunu geridə qoymuşdu. Sadəcə möhtəşəm idi. Sabah yağış yağsa, əsas favorit yenə Maks olacaq. Onsuz da Suzuka əfsanələrin trasıdır. Suzuka daha əvvəl çox əfsanəvi yarış görüb, növbəti əfsanəvi yarış sabah Maks Ferstappendən ola bilər.
Əgər yağış yağmasa, “McLaren” pilotları isə iki və üç olsalar da, sabahkı yarış üçün yenə də favoritdirlər. Yağış olsa, Piastrini daha şanslı görürəm.
Corx Rassell isə məni çox məyus etdi. Ondan gözləntilərim çox idi, ancaq son cəhdində deyəsən ilk iki sektorda səhv etdi.
“Ferrari” isə artıq bəhanələrdən sıyrılmalıdır. Mövsümün əvvəlində bu maşın başqa maşındır, 2024 maşınından 1 saniyə sürətlidir pafosları çıxardılar. Komandada kollec havası var dedilər, amma neçə ildir kollecdən o tərədə gedə bilmirlər. Universitetə girə bilmədilər.
Oliver Berman bu sıralanma turunun ulduzudur.
Karlos Sayns isə bu dəfə nisbətən yaxşı sıralanma keçirmişdi, amma böyük ehtimalla 3 yer cəza alacaq.
çap et