Almaniyada sağlamlıq və qayğı sığortası haqlarının artırılması vətəndaşların etirazına səbəb olur. AOK tibbi sığorta təşkilatının sifarişi ilə Forsa araşdırma şirkəti tərəfindən aparılan sorğuya əsasən, əhalinin böyük bir hissəsi sosial sığorta sistemində resursların boş yerə xərcləndiyini iddia edir.Sorğuda iştirak edənlərin 70 faizi səhiyyə və sosial sığorta üzrə ödənilən haqların səmərəsiz istifadə olunduğunu bildirib. 20 faiz pulların böyük ölçüdə səmərəli istifadə edildiyini düşünsə də, 10 faiz bu məsələ ilə bağlı dəqiq fikir bildirməyib.
Respondentlərin 86 faizi səhiyyə və sosial sığorta haqlarının bu il və ya gələn il yenidən artacağını proqnozlaşdırır. İlin əvvəlindəki artımlar artıq bir çox təsərrüfatları üçün ciddi yük yaradıb. İştirakçıların 17 faizi bu yükü “lap çox”, 29 faizi isə “bir az çox” hesab edir.
AOK-un baş direktoru Karola Reymann koalisiya danışıqları davam edərkən hökumətə çağırış edib: “İllərdir sosial sığorta haqları öz ixtiyarına verilib və qanuni olaraq sığortalanmış şəxslərin yük limitləri gərginləşib. Bu davam edə bilməz”, – Reymann vurğulayıb ki, səhiyyə siyasətinin kursu dəyişməli və xərclər nəzarət altına alınmalıdır.
Sorğuda iştirakçıların 91 faizi bu fikirlə razılaşaraq, sağlamlıq və sosial sığortası üzrə sığorta haqlarının sabitləşdirilməsinin ya “çox vacib”, ya da “vacib” olduğunu bildirib.
Reymann deyir ki, sığortalı insanlar həm daha çox ödəyir, həm də səhiyyə sistemindən əziyyət çəkirlər. Xüsusilə mütəxəssis müayinələri üçün uzun gözləmə müddətlərini vurğulayan Reymann, “Bu gün köhnə və koordinasiya olunmayan strukturlarda çoxlu sığorta haqları itirilir. Bu vəziyyət vətəndaşlar arasında israfçılıq hissini gücləndirir”, – dedi.
çap et