Qızıl sərt şəkildə düşdü

Qlobal qazarlar qan gölünə döndü

Qlobal bazarlarda tarif zəlzələsi davam edir. ABŞ prezidenti Donald Trampın açıqladığı tariflər bazarları silkələyib. Asiya, ABŞ və Avropa birjaları böyük itkilər yaşadı! Qızıl həftələr ərzində ən aşağı səviyyədədir. Neft düşdü. İndi isə daha ətraflı...

Trampın tarifləri səbəbindən qlobal bazarlarda böyük dalğalanmalar olub. Asiya bazarlarında ciddi eniş yaşansa da, Avropa və ABŞ fyuçersləri də mənfi olaraq qalıb. Daha sərt və qalıcı tariflərin bazarlarda narahatlıq yaratdığını, Çinin xüsusilə əlavə vergi tətbiq etmə qərarının qlobal ticarəti pozma riski daşıdığını bildirib. Trampın geri çəkilməyəcəyi ilə bağlı açıqlamaları və Çinin vergi addımları ticarət müharibələrinin daha da böyüyəcəyini göstərir.

ABŞ-da bu həftə açıqlanacaq inflyasiya məlumatlarının bazarlar üçün kritik əhəmiyyət daşıdığını vurğulanır. İnflyasiya gözləniləndən yüksək olarsa, tənəzzül qiymətləri güclənə və bazarlarda satış təzyiqi arta bilər. FED sədri Pauellin açıqlamaları ilə inflyasiyanın davamlı olacağı və artımın zəifləyəcəyi ilə bağlı narahatlıqların artdığı da qeyd edilir. Bazarlar bu məlumatlarla yüksək volatillik yaşamağa davam edə bilər.

***

Belə bir mühitdə qızıl qiymətləri normal olaraq yüksəlməli idi. Çünki tənəzzül, yüksək inflyasiya, güclü tariflər və qeyri-müəyyənlik kimi amillər qızıla tələbi artırmalıdır. Bununla belə, bazarlarda güclü satışların olması səbəbindən əsas oyunçuların indekslərdəki mövqelərini qorumaq üçün qızıl satışına üz tutduqlarını bildirib. Bu vəziyyət qızılın kəskin ucuzlaşmasına səbəb olub.

Qızılın uzun müddətdir korreksiya vəziyyətində olduğunu və bu prosesin bəhanə ola biləcəyini, bu səbəbdən qızıl qiymətlərindəki enişin sürətlənə biləcəyi, lakin hələlik qızılın güclü mövqe nümayiş etdirdiyi bildirilir. İqtisadçılar bildirir ki, qızıl bazarına təzyiq arta bilər və Amerika bazarları açıldıqca qızıl daha yaxından izlənməlidir.