Fransada uşaq ölümü qorxulu həddə çatıb. 2024-cü ildə hər 1000 doğulandan körpədən 4,1 faizi bir yaşına çatmadan dünyasını dəyişib. 2020-ci ildə bu nisbət 3,5 idi. Üstəlik, bu ölümlərin 70 faizi körpələr ilk aya çatmamış baş verib.
Ölkənin bu sahədəki göstəriciləri hazırda Avropada ən pis göstəricilərdən biridir. Fransa AB-nin 27 ölkəsi arasında 23-cü yerə düşüb.
Bu faciəvi vəziyyətlə üzləşən həkim və deputat Pol-Andre Kolombani doğum evlərinin bağlanmasının dayandırılması üçün parlamentə qanun layihəsi təqdim edib. LIOT Qrupunun dəstəklədiyi qanun layihəsi may ayında parlamentin gündəliyinə çıxarılacaq.
“Son 50 ildə Fransada doğum evlərinin üçdə ikisi bağlanıb. Bu gün 900 min qadın ən yaxın doğum şöbəsindən 30 dəqiqədən çox məsafədə yaşayır. Bu, yolverilməzdir”, - Kolombani deyib.
***
3 illik moratorium: “Doğum evlərinin fəaliyyəti və yerli ehtiyacları təhlil edilənə qədər yeni bağlanmalar olmayacaq”.
Milli Doğum Qeydiyyatı Sistemi: “Hər bir doğum mərkəzi məlumat sistemində (SNDS) qeydə alınacaq. Bu məlumatlar uşaq sağlamlığının yoxlanılması ilə dəstəklənəcək”.
Təcili Doğuş Təlimi Məcburi: “Doğuş otağının bütün işçiləri doğuş zamanı müntəzəm təcili müdaxilə təlimi alacaqlar”.
***
Kolombaninin sözlərinə görə, ildə 300-dən az doğum olan xəstəxanalar avtomatik bağlanmamalıdır. “Rəqəmlər deyil, insan həyatı müəyyən edən amil olmalıdır” deyən həkim xüsusilə kənd yerlərində yerli doğum xidmətlərinin canlı saxlanılmasının uşaq ölümlərini azalda biləcəyini vurğulayıb.
çap et