Almaniyada şokolad və kakao məhsullarının qiymətlərində də xeyli artım var. Səhər yeməyi süfrələrinin vazkeçilməzi olan kakaolu içkilər indi daha bahalaşıb. Kakaonun qiymətləri yüksəldikcə səhər ritualı bir çox ailələr üçün dəbdəbəyə çevrilir.Həftəsonundan etibarən Almaniyanın bütün böyük supermarketləri kakao tozunun qiymətlərini xeyli artırıb. “Aldi Süd”, “Aldi Nord”, “Lidl”, “Norma” və “Rewe” marketlərində 400 qramlıq öz markalı kakao paketlərinin qiyməti 3,29 avrodan 4,29 avroya qalxıb. Bu, təxminən 30 faiz artım deməkdir. Qiymət artımı müxtəlif ərzaq şəbəkələrinin alıcı menecerləri tərəfindən təsdiqlənib.
Lakin elə ötən həftə “Aldi Süd” və “Aldi Nord” 30 adda ərzaq məhsulunun qiymətini aşağı salacaqlarını açıqlamışdı. Bütün digər böyük supermarketlər də bu endirimdə iştirak edib. Lakin kakao üçün bu müsbət atmosfer qısamüddətli oldu.
***
Uşaqdan böyüyə hər kəsin sevdiyi məhsul olan kakao içkiləri indi ciddi qiymət artımları ilə gündəmdədir. Üstəlik, təkcə içkilərin deyil, tərkibində kakao olan bütün məhsulların qiyməti artıb.
Ötən həftədən etibarən şokoladlı pudinq və qatıq məhsullarının qiymətləri də orta hesabla 20 faiz artıb.
Bir çox kakao istehsal edən rayonlarda fermerlər pis hava şəraiti ilə mübarizə aparır. Nəticədə məhsuldarlıq azalıb.
***
Almaniya Federal Statistika İdarəsinin məlumatına görə, xam kakaonun qiyməti ötən illə müqayisədə 76,4 faiz artıb. Fevral ayında əvvəlki illə müqayisədə kakao yağı və ekstraktlarının qiyməti 119,4 faiz artıb.
Bundan başqa, şokolad və digər kakaolu qənnadı məmulatlarının qiyməti 34,7 faiz artıb.
çap et