Prezident İlham Əliyev ADA Universitetində keçirilən “Yeni dünya nizamına doğru” mövzusundakı Beynəlxalq Forumda çıxışı zamanı çox mühüm mesajlar verdi.Prezident Əliyev Ermənistanla sülh sazişi, Amerika ilə təmaslar, Rusiya-Ukrayna müharibə münaqişəsi, habelə Türkiyə, İsrail, İran və Avropa Birliyi (AB) ilə bağlı strateji məqamlara aydınlıq gətirib.
Qısa xülasə:
– Sülh sazişi ilə əlaqədar danışıqlar zamanı İrəvanın manipulyasiyaları Bakıda ciddi narazılıq yaradır. Biz Ermənistanın regiondan kənar güclərlə hərbi-siyasi ittifaqına imkan verməyəcəyik.
– Tehranla münasibətlərdə müəyyən suallara cavab verilməlidir. M.Pezeşkianın gözlənilən səfəri də bu baxımdan mühüm sayıla bilər.
– Tramp administrasiyasının dövründə Amerika ilə əlaqələrdə yenidən yüksəlmə olacaq.
– Trampın prezident seçilməsi Ermənistanın siyasi rəhbərliyini məyus etdi. Onlar əksini gözləyirdilər.
– Gürcüstanla münasibətlər strateji bir əhəmiyyət daşıyır. Xalqlarımız arasında tarixi bağlantılar var.
– Türkiyə Azərbaycanın strateji müttəfiqidir. Bu, heç şübhəsiz belədir.
– İsraillə təmaslar Azərbaycan dövlətinin maraqları tələb edəcəyi şəkildə davam edəcək.
– Azərbaycan Ukraynanın ərazi bütövlüyünü dəstəkləyir, müharibənin beynəlxalq hüquq çərçivəsində sülh sazişi ilə başa çatmasını gözləyir.
çap et