Barselonada inkişaf etdirilən CAR-T hüceyrə terapiyası standart üsullarla müalicəsi mümkün olmayan xərçəng xəstələrinin yarısında sınaqdan uğurla çıxıb.Barselonadakı “Hospital Clínic”in tədqiqatçıları xərçənglə mübarizə aparmaq üçün əsaslı immunoterapiya hazırlayıblar. Klinik sınaqlarda 500-dən çox xəstəyə tətbiq edilən müalicə sayəsində 250-dən çox insan bu xəstəliyə qalib gələ bilib. Xüsusilə standart müalicə üsullarının qeyri-kafi olduğu hallarda bu uğur böyük ümid yaradıb.
***
Barselonadakı mütəxəssislər bu inkişaf üçün iki fərqli CAR-T hüceyrə müalicəsi hazırlayıblar. Normalda immunitet sisteminin bir hissəsi olan “T” hüceyrələri bədəndəki xəstə hüceyrələri məhv edir. Ancaq xərçəng hüceyrələri adətən bu hüceyrələrdən gizlənməyi bacarır və immunitet sisteminin diqqətindən yayınır. Bu nöqtədə, gen mühəndisliyi ilə yenidən proqramlaşdırılmış CAR-T hüceyrələri işə düşür. Bu hüceyrələr şiş hüceyrələrini tanıyıb onlara bağlana, çoxalda və şişi məhv edə bilir.
***
Yeni müalicə üsulu üç fərqli xərçəng növü olan xəstələrdə sınaqdan keçirilib. “Limfoblastik lösemi” xəstələrinin 90 faizi müalicəyə müsbət cavab verərkən, çoxlu “miyelomlu” xəstələrin yüzdə 60-ı və Hodgkin olmayan lenfoma xəstələrinin yüzdə 50-si yaxşılaşma göstərmişdir.
***
CAR-T proqramının koordinatoru Alvaro Urbano-İspizua, bu müalicənin ənənəvi üsullarla nəticə əldə edə bilməyən xəstələr üçün xüsusi olaraq hazırlandığını bildirdi. Urbano-İspizua, “Bu terapiya insanlara yenidən yaşamağa ümid verir”, – dedi.
Oxşar müalicə üsulları Almaniyada getdikcə daha çox istifadə olunur. CAR-T-yə bənzər üsullar döş, yumurtalıq, ağciyər, beyin, dəri, böyrək, bağırsaq və mədəaltı vəzi xərçəngləri də daxil olmaqla müxtəlif xərçəng növlərində sınaqdan keçirilir.
çap et