“Çinə tətbiq edilən tariflər davamlı deyil”

Skott Bessent: “İstifadə edə biləcəyimiz xeyli açar dəstimiz var”

Bessent “Bloomberg”ə müsahibəsində ABŞ-ın bir çox əsas ticarət tərəfdaşları ilə danışıqlarda sürətlə irəlilədiyini vurğulayıb.

Bazir ABŞ müttəfiqlərinə danışıqlarda sürətli olmaları lazım olduğuna işarə edərək, ilk hərəkət edənin adətən ən yaxşı sövdələşməni əldə edə biləcəyini qeyd edib.

Bessent bildirib ki, əlavə tariflərin dayandırıldığı 90 günlük müddət ərzində bir çox ölkələrlə prinsipial razılaşmalar əldə oluna bilər.

Çinə gömrük rüsumlarının tətbiq edildiyini xatırladan Bessent, ölkələrin bazarlarını dolduran Çin mallarına qarşı müəyyən qorunma istəyə biləcəyini ifadə etdi.

Çinlə danışıqların hər hansı səviyyədə olub-olmaması ilə bağlı suala cavab olaraq Bessent, bunun yuxarıdan gəlməli olduğunu və ABŞ prezidenti Donald Tramp və Çin prezidenti Si Cinpin arasında yaxşı münasibətlərin olduğunu bildirib.

ABŞ-ın Çinə tətbiq etdiyi tariflərlə bağlı Bessent, “Çinə tətbiq edilən tariflər çox böyükdür, heç kim onların davamlı olduğunu düşünmür və heç kim onların qalmasını istəmir. Amma bu tariflər zarafatdan uzaqdır”, – deyib.

Bessent qeyd edib ki, Vaşinqtonla Pekin arasında ayrılıq olmamalıdır, lakin bu baş verə bilər.

***

ABŞ aktivlərinin tərk edildiyini düşünmədiyini deyən Bessent, istiqraz hərraclarında xarici rəqabətin artdığını gördüklərini söyləyib.

Bessent bildirib ki, dollar hələ də qlobal ehtiyat valyutadır və güclü dollar siyasəti var.

ABŞ Federal Ehtiyat Sisteminin (FED) sədri Cerom Pauell ilə hər həftə görüşdüyünü deyən Bessent, “pəncərəni sındırmaq” vəziyyətindən uzaq olduqlarını ifadə etdi.

2026-cı ilin mayında səlahiyyət müddəti başa çatacaq Paueli kimin əvəzləyəcəyi ilə bağlı suala Bessent payızda potensial prezidentliyə namizədlərlə görüşə başlayacaqlarını bildirib.

“Biz istiqraz bazarında hərəkətə keçməkdən çox uzaqdayıq. İstifadə edə biləcəyimiz xeyli açar dəstimiz var. İstəsək geri alışları artıra bilərik”, – deyib.

Bessent tariflərlə bağlı ciddi proses həyata keçirəcəklərini və bazarın bu baxımdan böyük rahatlıq əldə edə biləcəyini qeyd edib.