ABŞ-ın Los-Anceles Polis Departamentinin (LAPD) rəsmilərinin məlumatına görə, aprelin 13-də zərgərlik mağazasında oğurluq hadisəsi baş verib. Mağazasının divarını sındıran oğrular 20 milyon dollara yaxın qızıl-zinət əşyalarını oğurlayıblar. Hadisə ilə bağlı araşdırmalara başlanılıb.***
Təhlükəsizlik kamerası görüntülərində şübhəlilərin mağazaya daxil olmaq üçün qonşuluqdakı mağazanın beton divarını yardıqları görünür.
İlkin məlumata görə, şübhəlilər mağazadan dəyəri 10 milyon dollardan çox olan saat və qızıl boyunbağı kimi qiymətli zinət əşyalarını oğurlayaraq qazdıqları dəlikdən qaçıblar.
***
Siqnal çalmadığı üçün ilk gün oğurluğu fərq etməyən mağaza sahibləri zərərin 20 milyon dollara yaxın olduğunu bildiriblər. Digər tərəfdən polisin hadisə yerində barmaq izləri və DNT qalıqları ilə bağlı araşdırma başlatdığı paylaşılıb.
çap et