Federal Ehtiyat Sisteminin sədri Cerom Pauellin ticarət müharibəsinin təsirləri ilə bağlı xəbərdarlıqları “Wall Street”də volatilliyi artırdı və səhmlərin və dolların kəskin ucuzlaşmasına səbəb oldu. Bu inkişaflardan sonra qızıl qiymətləri yeni rekord səviyyəyə çatıb.İki gün əvvəl külçə qızılın qiyməti 0,4 faiz artaraq bir unsiya üçün 3,357,78 dollara çatmışdı və qazanclarının bir hissəsini geri qaytarmışdı. Dünən qızıl 3,5 faiz artaraq 2023-cü ilin mart ayından bəri ən böyük gündəlik qazancını əldə edib. Eyni zamanda, dollar son altı ayın ən aşağı səviyyəsinə düşüb. Ardıcıl tarif xəbərləri ilə bazar sarsılsa da, Pauellin qeyri-müəyyən tarif açıqlamaları da diqqət çəkdi.
Mərkəzi bankın bazarları sakitləşdirmək üçün müdaxilə edib-etməyəcəyi ilə bağlı suala Pauell, “Biz bunu hələ bilmirik və bilmədən məlumatlı qərarlar verə bilmərik”. Onun şərhləri bir daha aydın oldu ki, FED siyasət faizini dəyişməyə tələsməyəcək”, – cavabını verib.
ABŞ və Yaponiya rəsmi ticarət danışıqlarına başlayıb. Danışıqlar Yaponiyanın yüksək tariflərdən yayınması məqsədi ilə başlayıb. Tariflərdə dərhal dayandırılma olmasa da, Yaponiyanın baş müzakirəçisi iki ölkənin tezliklə yenidən görüşəcəyini və 90 gün ərzində razılığa gəlməyi hədəflədiyini söyləyib. Prezident Tramp danışıqları “böyük irəliləyiş” adlandırıb.
Qızıl bu il təxminən 28 faiz bahalaşıb, 2024-cü ildəki 27 faiz qazancını geridə qoyub. Ticarət müharibəsinin genişlənməsi mümkün qlobal tənəzzüllə bağlı narahatlıqları artırıb və qiymətli metala tələbatı artırıb. Bu arada, Tramp administrasiyası ABŞ tarifləri ilə bağlı danışıqlarda Çin ilə ticarəti məhdudlaşdırmaq üçün ölkələrə təzyiq etməyə hazırlaşır. Çin isə geri addım atmayıb. “Sinxua” Xəbər Agentliyinin dövlət mediasına istinadən verdiyi məlumata görə, Cənub-Şərqi Asiyaya səfər edən Çin Prezidenti Si Cinpin ABŞ-ın xeyrinə olan sövdələşmələrdən çəkinməli olduğunu deyib.
Sinqapurda saat 10:25-ə qızılın unsiya qiyməti 0,1 faiz ucuzlaşaraq 3338,45 dollara düşsə də, həftəlik 3 faizlik qazancla bağlanmağa hazırlaşır. “Bloomberg Dollar Spot” İndeksi çərşənbə günü 0,7 faiz ucuzlaşdıqdan sonra 0,2 faiz artıb. Gümüş, platin və palladiumun qiymətləri ucuzlaşıb.
çap et