İsrail dövlət televiziyası KAN-ın məlumatına görə, ABŞ-ın son 24 saat ərzində göndərdiyi hərbi sursat daşıyan 9 nəqliyyat təyyarəsi Nevatim Hava Bazasına eniş edib.Nevatim bazasına çatan yüzlərlə bunker partladan bombanın ABŞ və İran arasında aparılan danışıqların nəticəsiz qalması halında İsrail və ABŞ-ın İranın nüvə obyektlərinə hücumu halında İsrailə göndərildiyi iddia edilib.
Bildirilib ki, döyüş sursatları Amerikanın Avropa və Yaxın Şərqdəki bazalarından İsrailə ötürülüb.
Hesabatda qeyd olunub ki, ABŞ-ın İsraildə yerləşdirilmiş Regional Yüksək Hündürlük Hava Hücumundan Müdafiə (THAAD) sistemi üçün tutucu raketlər və yüksək tonajlı MK-84 bombaları daşıyan onlarla ABŞ nəqliyyat təyyarəsi ötən həftə İsrailə gəlib.
***
“The New York Times” yazır ki, İsrail may ayında İrana böyük hücum, o cümlədən Tehranın nüvə obyektlərinə zərbələr endirmək planını Ağ Evə çatdırıb.
ABŞ prezidenti Donald Trampın İsrailin hücum planını rədd etdiyi və İranla nüvə danışıqları yolunu seçdiyi bildirilib.
İsrailin baş nazirliyi məsələ ilə bağlı açıqlamasında “Trampın İsrailin may ayında İrana hücum planını rədd etdiyi” xəbərini təkzib etməyib.
Tramp isə öz növbəsində bildirib ki, İsrail İranın nüvə obyektlərinə hücum etmək üçün mümkün planını “ertələmir”, lakin indiki mərhələdə bunu etməyə tələsmir.
çap et