“Çin Kommunist Partiyası Xalq Azadlıq Ordusunu gələcək müharibələrə hazırlamaq məqsədilə birbaşa döyüş təcrübəsi əldə etməyə çalışır. Ukraynadakı döyüşlər – o cümlədən dronların və radioelektron mübarizə sistemlərinin tətbiqi – döyüş sənətinin təkamülünün ən parlaq nümunəsidir”, – deyə Vaşinqtondakı Strateji Qiymətləndirmə Mərkəzindən hərbi analitik Riçard Fiçer bildirib. Ekspertin sözlərinə görə, bu biliklər Pekin tərəfindən Tayvana mümkün hücum halında istifadə oluna bilər. O, həmçinin istisna etmir ki, Çin hərbçiləri yalnız müşahidəçi kimi deyil, həm də Rusiya tərəfini məsləhətləndirən şəxs kimi yerində iştirak edirlər.
Sinopsis analitik mərkəzindən ekspert Çarlz Börtunun fikrincə, Çin muzdlularının döyüş əməliyyatlarında iştirakı Pekin hakimiyyətinin razılığı olmadan demək olar ki, mümkün deyil: “Bir neçə yüz çağırış yaşında olan çinli şəxsin döyüşlərdə iştirak üçün ölkəni tərk etməsi Pekinin icazəsi olmadan qeyri-real olardı. Dövlətin total nəzarəti və izləməsi şəraitində belə hərəkətlər nəzərdən qaça bilməzdi.” O, baş verənləri 1950-ci illərdə Koreya müharibəsində iştirak edən “çin xalq könüllüləri”nin fəaliyyəti ilə müqayisə edir. “Əvvəlcə – inkarı inandırıcı etmək üçün kiçik bir qrup, sonra isə tədricən kontingentin artırılması və qabaqcıl silahların verilməsi”, – deyə Börtun qeyd edir.
Analitiklər ehtiyat edirlər ki, Çindən dəstək alan Rusiya gələcəkdə qarşılıq verməyə məcbur qala bilər – məsələn, Çinin Tayvana mümkün hücumunu dəstəkləməklə.
çap et