“Formula 1” tarixinin ən yaxşı pilotunu izləyirik.Maks Verstappen bu gün trasda dərs keçdi. Çempion pilot nə deməkdir? Necə çempion olunur, necə lider pilot olunur, digər favorit komandaların sürücülərinə göstərdi. Sabah pouldan başlayır. “Red Bull”un yarış tempi dünən yaxşı görünmürdü. Amma Verstappenə yarışda ruh verəcək bir fakt var bu illə bağlı - bu il sprint də daxil olmaqla geridə qalan 5 yarış sessiyasında pouldan başlayan sürücü qalib gəlib. Verstappen sabah bu ənənəni davam etdirəcək?
Lando Norris isə belə getsə, 2018-ci ildəki Sebastian Vettel sindromu yaşayacaq. Hər həftəsonu demək olar səhv edir. Öndə olduğu yarışlarda da rahat olmur. Bu gedişlə “McLaren”in dəstəyini itirəcək. Özü də yay tətilinə çatmamış.
Karlos Sayns isə ərəb baharı yaşadı desək yeridir. İki ərəb ölkəsi və ikisində də komanda yoldaşını qabaqladı. Artıq özünə gəlir. Maşına öyrəşir. Hər nə qədər Hamilton maşına öyrəşmə bəhanəsi ilə yaşasa da.
Ciddədə 2021 və 2022 kimi maraqlı yarışlar da izləmişik. 2023 və 2024 kimi zəhlə tökən yarışlar da. Amma məncə, sabahkı yarış maraqlı olacaq.
çap et