«Qanun» nəşriyyatı dünyanın ən çox oxunan kitablarından birini tərcümə edib. Bu əvvələr boksçu, sığorta agenti, yumorçu, aktyor fəaliyyətləri ilə məşğul olan, son illərsə yazıçılıq sahəsində özünü sınayan amerikalı Stive Harvinin (Steae Harvey) «Qadın kimi davran, kişi kimi düşün» əsəridir. Bu kitab çox az müddət ərzində o qədər məşhurlaşıb ki, dünyanın bir çox dillərinə tərcümə edilib. ABŞ-ın «New York Times» qəzeti əsəri müasir nəşrlər arasında bir nömrəli bestseller adlandırıb.
Qısa olaraq deyə bilərik ki, kitab kişi-qadın psixologiyasından bəhs edir. Nə üçün, hətta ən ağıllı, uğurlu və cazibədar qadınlar belə kişilərin hərəkətlərini anlaya bilmirlər və şəxsi həyatlarında xoşbəxt deyillər? Amerikada qarşılıqlı münasibətlərdən bəhs edən çox məşhur radio verilişinin aparıcısı olan kitabın müəllifinin fikrincə, problem ondadır ki, qadınlar məsləhət üçün digər qadınlara müraciət edirlər...
Stiv Harvi bu kitabda bir çox vaxtı çatmış məsələlərə aydınlıq gətirməklə güclü cinsin nümayəndələrinin nə düşündüklərini anlamağa imkan yaradır. Məsələn, «Siz öz kişinizdən nəyi tələb etməlisiniz, nəyi isə tələb edə bilməzsiniz?», «Ana uşağını necə tanımaq olar və bu halda nə etmək lazımdır?», «Öz kavalerini uşaqlarınla nə vaxt tanış edə bilərsən?», «Kişinin fikrinin ciddiliyini müəyyən etmək üçün ona hansı beş sualı vermək lazımdır?»
Kişilərin qadınlar barəsində nə fikirləşdiklərini bilmək istəyirsinizsə əyləncəli, bəzi hissələri isə çox ciddi olan, yalnız həqiqətin yazıldığı bu kitabı oxumaq lazımdır.
Əsəri tərcümə edən Müqəddəs Şahbazovdur. çap et