İspaniyada elektrik enerjisinin qiymətləri artıb. İspaniya hökuməti 1 milyard dollar ziyana səbəb olan sistemin çökməsindən sonra elektrik enerjisinin qiymətlərini 450 faiz artırıb. İspan xalqı şəbəkənin dağılmasının əvəzini ödəyəcək.İspaniyanın elektrik enerjisi bazarının rəsmi operatoru OMIE-nin məlumatına görə, aprelin 30-na ölkədə elektrik enerjisinin topdansatış qiyməti meqavat/saat üçün 31,87 avroya yüksəlib.
Bu rəqəm bir gün əvvəl olan 5,79 avro ilə müqayisədə 450 faiz artım deməkdir. Bu artım son bir ayda daha da diqqət çəkib. Martın 30-da cəmi 3,03 avro olan qiymət bir ayda təxminən 950 faiz artıb.
Qiymətlərin bu qəfil sıçrayışının səbəbi İspaniya, Portuqaliya və Fransanın bəzi bölgələrində təxminən 24 saat davam edən elektrik kəsilməsi olub.
***
Müxtəlif media orqanları, o cümlədən İspaniyanın ABC qəzeti, kəsilmənin yaratdığı sistemli balanssızlığın qiymətləri kəskin şəkildə artırdığını göstərdi.
Ekspertlərin fikrincə, elan edilən 31,87 avro rəqəmi ev təsərrüfatlarının birbaşa ödədiyi məbləği deyil, topdansatış bazar qiymətini əks etdirir. Bununla belə, bu cür dalğalanmaların məişət hesablarında hesab artımı kimi əks olunduğu vurğulanıb.
Qiymət artımından ən çox təsirlənən qrup isə tarifləri gündəlik bazar qiymətlərindən asılı olan istehlakçılar olub. İspaniyada tənzimlənən PVPC tarifi ilə elektrik enerjisindən istifadə edən istehlakçılar birbaşa bazar dalğalanmalarına məruz qalırlar.
ABC qəzeti ölkədə elektrik ödənişlərinin 60 faizinin sabit xərclərə, qalan 40 faizinin isə topdansatış qiymətlərinə indeksləşdirildiyini bildirib. Ona görə də 450 faiz artım dəyişən bölməyə ciddi təsir edəcək.
çap et