ABŞ-ın Pensilvaniya və Ohayo ştatlarında şiddətli fırtına səbəbindən təxminən 500 min insanın işıqsız qaldığı bildirilib. Yerli hakimiyyət orqanlarının məlumatına görə, şiddətli tufanlar Pensilvaniya və Ohayo ştatlarına təsir edib.Pensilvaniya ştatının “State College” və Pittsburq şəhərlərində elektrik naqillərinin aşması nəticəsində üç nəfər ölüb.
***
Ölkə daxilində elektrik kəsilməsini izləyən “PowerOutage” internet saytı, Pensilvaniyada təxminən 450,000 və Ohayoda 50,000-dən çox insanın naqillərin üzərinə yıxılan ağaclar və aşan elektrik dirəkləri səbəbindən işıqsız qaldığını bildirdi.
***
Milli Meteoroloji Xidmətinin Pittsburq Ofisi sosial media hesabında bölgədəki fırtınanın sürətinin saatda 145 kilometrə çatdığını bildirib.
***
Səlahiyyətlilər xəbərdarlıq edib ki, Pensilvaniya və Ohayo ştatlarında şiddətli hava şəraiti Arkanzas, Texas və Luiziana ştatlarına yayıla bilər, dağıdıcı küləklər və güclü yağışlar daşqınlara səbəb ola bilər.
çap et