Brandenburq əyalətində Konstitusiyanın Mühafizəsi Bürosunun rəhbəri Yörq Müller gənc neonasistlərin təşkil olunduğu ifrat sağçı söhbət qruplarını qadağan etməyi hədəfləyir. Müller “Stern” jurnalı və “RTL” telekanalına müsahibəsində deyib: "Moderatoru və üzvlük tələbləri olan konstitusiyaya zidd söhbət qrupu mənim üçün bir təşkilat formasıdır və buna görə də qadağan edilməlidir”.
***
Müllerin fikrincə, mövcud hüquqi təcrübələrə əsasən, qrup qadağan olunmaq üçün idarə heyəti və ya üzvlük haqları kimi müəyyən təşkilati struktura malik olmalıdır. Bununla belə, Müller bu yanaşmanın bugünkü strukturlara uyğun olmadığını ifadə edərək, “Qadağa prosesləri bugünkü reallıqlara uyğunlaşmalıdır”, – deyib.
***
Brandenburq Konstitusiyanın Mühafizə Ofisi 2024-cü ildən bəri çox gənc neonasist tərəfdarlarının getdikcə daha çox sosial media vasitəsilə təşkilatlandığını müşahidə edib. Bu strukturlar arasında “Jung & stark”, “Letzte Verteidigungswelle” və “Deutsche Jugend Voran” kimi qruplar var.
***
Müller bu söhbət qruplarında gənclər arasında sürətli və intensiv radikallaşmanın olduğunu vurğulayıb: "Gənc nasistlər zorakılıq edirlər. Bura əmlakın məhv edilməsi, siyasi rəqiblərinə fiziki hücumlar və yanğınlar daxildir. Neonasistlər bu cür hərəkətlərdə qurbanlarının həyatını təhlükəyə atmağa hazırdırlar".
çap et