ABŞ dövlət katibi Marko Rubio Pakistanın baş naziri Şahbaz Şərif və Hindistanın xarici işlər naziri Subrahmanyam Caişankara zəng edib.Dövlət Departamentinin sözçüsü Tammi Bryusun verdiyi yazılı açıqlamaya görə, Marko Rubio telefon danışıqlarında hər iki ölkə rəsmilərini əməkdaşlığa çağırıb.
***
Katib Rubio Şəriflə görüşü zamanı bəyan edib ki, aprelin 22-də Pahalqamda törədilən terror aktı lənətlənməlidir.
Hər iki lider “terrorçuları iyrənc zorakılıq aktlarına görə məsuliyyətə cəlb etmək” mövzusunda davam edən öhdəliklərini təsdiqləyib, Rubio Pakistan hakimiyyətini bu vicdansız hücumun araşdırılmasında əməkdaşlığa çağırdı.
***
Hindistanlı həmkarı Caişankar ilə telefon danışığında Rubio Pahalqamdakı dəhşətli terror hücumunda insan itkisinə görə kədərləndiyini bildirib.
Rubio ABŞ tərəfinin Hindistanla terrorla mübarizə sahəsində əməkdaşlığa sadiqliyini bir daha təsdiqləyib.
Bəyanatda həmçinin qeyd olunub ki, ABŞ həm Pakistan, həm də Hindistanı Cənubi Asiyada gərginliyi azaltmağa, sülh və təhlükəsizliyi təmin etməyə və iki ölkə arasında birbaşa əlaqəni bərpa etməyə təşviq edir.
çap et