“Bitcoin” cümə gününün əvvəlində kəskin şəkildə yüksələrək həftənin əvvəlinə nisbətən itkiləri geri qaytardı. “Bitcoin” yenidən 100.000 dollara yaxınlaşaraq fevralın sonundan bəri ən yüksək səviyyəyə çatdıqda, investorların risk iştahı maliyyə bazarlarında canlanır.Donald Trampın tarif siyasəti həm kapital, həm də rəqəmsal aktiv bazarlarında kəskin enişlərə səbəb olduğu üçün “Bitcoin” son həftələrdə aşağı təzyiq altında idi. Yanvarın 20-də Trampın ikinci dəfə ABŞ prezidenti kimi inauqurasiyası zamanı kriptovalyuta 109 min dollar civarında rekord həddə çatdıqdan sonra dəyərinin 30 faizini itirmişdi.
Bazar dəyərinə görə ən böyük kriptovalyuta olan “Bitcoin” 3,1 faiz artaraq 97 483 dollara çatıb və fevralın 21-dən bəri ən yüksək səviyyəni görüb. Kriptovalyuta sonuncu dəfə fevralın 7-də 100 000 dollara alınıb. Bir çox kiçik kripto aktivlər cümə axşamı günü daha da yüksəlib – “Dogecoin” 4,8 faiz, “Ethereum” isə 3,3 faiz artıb.
çap et