Amerika kəşfiyyat agentliyi MKİ hazırladığı yeni videolarla Çin agentlərini ovlamağa başlayıb. Bəs yeni yayımlanan videolarda nələr deyilir? MKİ Çin rəsmilərini ABŞ üçün casusluq etməyə inandırmaq məqsədi daşıyan iki yeni video yayımlayıb.“Çin subtitrləri ilə Mandarin dilində çəkilmiş cəlbedici şəkildə hazırlanmış kliplər, MKİ-nin ardıcıl administrasiyaların Amerikanın ən böyük strateji rəqibi və hərbi təhlükəsi kimi qiymətləndirdiyi Çinlə bağlı kəşfiyyat məlumatlarının toplanmasına yönəlmiş son səyidir”, – “CNN İnternational” xəbər verir.
***
MKİ-nin sosial media hesablarında yerləşdirilən son videolar keçən ilki istehsaldan çox daha zərifdir. 2 dəqiqədən uzun olan bu videoların hər biri süjet, hekayə və həyəcanlı fon musiqisi ilə tamamlanan mini film üslubundadır.
Videolardan biri Çin prezidenti Si Cinpinin korrupsiya və sədaqətsizliklə mübarizəsi tərəfindən tutulmaq qorxusu ilə yaşayan Kommunist Partiyasının yüksək vəzifəli məmurlarına müraciət etmək məqsədi daşıyır.
Kampaniya hökumət institutlarını, hərbçiləri və dövlət şirkətlərini sarsıdıb, milyonlarla yüksək vəzifəli məmurların və aşağı rütbəli işçilərin cəzalanmasına səbəb olub.
***
“Mən partiya nərdivanına qalxarkən adamlarımın köhnəlmiş ayaqqabı kimi tökülməsinə baxıram”, – videoda deyilir. Çin hökumət agentləri tərəfindən təqib edilən Çinli bir məmur və həyat yoldaşı dəbdəbəli şam yeməyinə girərkən “Ancaq indi başa düşürəm ki, mənim də taleyim onlarınki qədər təhlükəlidir”, – deyir.
Videoda daha sonra, “Birinin iz qoymadan qəfildən yoxa çıxması adiləşib. Ən çox qorxduğum odur ki, ailəmin taleyi mənim taleyimlə bağlıdır. Mən qaçış yolu hazırlamalıyam”, – deyilir və ardınca kamera yemək masasında iki boş stulu göstərir.
Digər videoçarxda Çində gənclər arasında yaranan məyusluq hissinə toxunulur. İqtisadiyyat yavaşladıqca, bəziləri nə qədər çalışsalar da, imtiyazlıların, varlıların və güclülərin həyatının əlçatmaz olduğunu başa düşməyə başlayır.
***
Film özəl dəst kostyumlar və bahalı saatlarla dəbdəbəli həyat yaşayan müdiri ilə münasibət qurduqdan sonra karyerasından və həyatından məyus olan gənc dövlət qulluqçusundan bəhs edir.
O, yorucu siyasi özünütənqid sessiyalarında iştirak edir, cüzi qablaşdırılan nahar yeyir, hökumət hesabatları üzərində işləmək üçün gecəyə çalışır və ailəsi ilə birlikdə yaşadığı kiçik mənzilə qayıdır.
“Kiçik yaşlarımızdan partiya bizə öyrətdi ki, liderlərimizin göstərdiyi yolla səylə getsək, bizim parlaq gələcəyimiz olacaq. Hamının bölüşməli olduğu səmadan indi yalnız bir neçə nəfər həzz alır və mənə öz yolumu çəkməkdən başqa seçim qalmır. Mən uzanmaqdan imtina etdim”, – filmdəki gənc dövlət qulluqçusu deyir.
***
Hər iki video aktyorların MKİ-nin internet saytı vasitəsilə ünsiyyət qurma səhnələri ilə bitir – partiyanın yüksək vəzifəli məmuru gələcək onu nə gözləsə də, ailəsinin yaxşı yaşaya biləcəyini düşünüb rahatlayır. Gənc dövlət işçisi öz arzusunu qurmaq yolunda ilk addımı atmağın həyəcanını yaşayır.
çap et