Britaniya ordusunun üç əsgəri Almaniyada həbs olunub. İngilis əsgərlər Paderbornda sərxoş vəziyyətdə xuliqanlıq edərək bir avtomobilə və avtobusa ziyan vurub.
Şimali Reyn-Vestfaliya şəhər polisinin məlumatına görə, iki gün əvvəl 20, 23 və 27 yaşlı üç hərbçi saxlanılaraq Britaniya hərbi polisinə təhvil verilib. Onlardan ikisi həbs olunarkən müqavimət göstərib.
***
Məlumata görə, hadisə şahidi polisə müraciət edib. Hərbçilərdən biri park edilmiş avtomobili əzib. Avtomobilin dam örtüyü zədələnib.
Az sonra üç nəfər avtobusa hücumlarını davam etdirib. Bildirilir ki, onlar oturacaqları təpikləyiblər və fövqəladə hallar çəkicini zədələyiblər. Polis nəhayət avtobus dayanacağına gəlib. Daha sonra üç nəfər avtomobil dayanacağına qaçıblar.
***
20 yaşlı gənc orada mikroavtobusun altında gizlənib. O, həbs olunarkən müqavimət göstərib. 27 yaşlı gənc başqa dayanacaqda yaxalanıb. O müqavimət göstərərkən polis əməkdaşı tərəfindən yüngül xəsarət alıb. Digər 23 yaşlı gənc özünü sakit aparıb və sakit şəkildə polisə təslim olub.
Hər üç əsgər polis bölməsinə aparılıb. Onlardan spirtli içki qəbul etmələri şübhəsi ilə qan nümunələri götürülüb. Polis əmlaka ziyan vurması və məmurlara müqavimət göstərməsi faktlarını araşdırır.
çap et