Yaxın Şərqdə gərginlik artdıqca ABŞ-ın Qırmızı dənizdəki fəaliyyətini artırdığını sübut edən peyk görüntüləri ortaya çıxıb. Yaxın Şərq dənizlərinə müxtəlif tutumlu təyyarədaşıyan gəmilər yerləşdirilib.ABŞ və Husilər arasında gərginliyin artdığı bir vaxtda “USS Harry S.Truman” təyyarədaşıyan gəmisinin Qırmızı dənizdə fəaliyyəti üzə çıxıb.
Peyk qeydlərinin ortaya çıxardığı görüntülərdə ABŞ-ın artan gərginliyə görə Yaxın Şərqdəki varlığını gücləndirdiyi anlaşılır.
***
Təyyarə gəmisi mart ayının ortalarından bəri ABŞ-ın husilərə qarşı hücumlarının mərkəzindədir. Gəmi dəfələrlə raketlər və pilotsuz təyyarələr tərəfindən hədəfə alınıb, lakin birbaşa zərər barədə məlumat verilməyib.
Qərbi Sakit okeanda fəaliyyət göstərən bəzi Amerika döyüş gəmiləri də Yaxın Şərqə göndərilib.
Ən son peyk görüntüləri təyyarədaşıyanın Qırmızı dənizin şimal ucuna doğru, Misir və Səudiyyə Ərəbistanının ortasında və Yəməndən xeyli uzaqda hərəkət etdiyini göstərir.
***
“The Associated Press” xəbər verir ki, müdafiə naziri Pit Heqset husilərə qarşı davam edən əməliyyatları dəstəkləmək üçün təyyarədaşıyan gəminin Yaxın Şərqə yerləşdirilməsini daha bir həftə uzadıb.
Bu, prezident Donald Trampın martın 15-də Yəməndə qruplaşmaya hücum əmrindən sonra ikinci uzadılmadır.
Bundan əvvəl ABŞ Mərkəzi Komandanlığının (CENTCOM) tabeliyində olan və Ərəb dənizində fəaliyyət göstərən USS Carl Vinson əlavə olaraq yerləşdirilmişdi.
***
Nüvə enerjisi ilə işləyən Carl Vinson, ABŞ Hərbi Dəniz Qüvvələrinin ən bacarıqlı döyüş təyyarəsi hesab edilən “F-35C” döyüş təyyarəsi ilə təchiz edilib.
ABŞ Müdafiə Nazirliyinin məlumatına görə, son hücumlar 1000-dən çox husi hədəfi vurulub.
çap et