Qaranlıq Tehran

İranda 700 bank zülmətə qərq oldu

Bu xəbəri İranın elektrik paylayıcı şirkəti “Tevanir”in baş direktoru Mustafa Rəcəbi Məşhədi dövlət televiziyasında verdiyi açıqlamada enerjiyə qənaət tədbirləri çərçivəsində görülən tədbirləri açıqlayarkən deyib

Abunəçilərin istifadə limitini aşması halında hər 20 dəqiqədən bir 1 saat elektrik kəsilməsi tətbiq olunduğunu qeyd edən Məşhədi, tətbiqin ağıllı sayğaclar vasitəsilə həyata keçirildiyini bildirib.

"Dünən Tehranda təxminən 700 bankın elektrik enerjisi istehlak həddini keçdiyi müəyyən edildikdən sonra kəsilib", - Məşhədi bildirib.

İran rəsmisi elektrik enerjisinin əhaliyə ədalətli şəkildə çatması üçün yaşayış, ticarət və inzibati abonentləri qənaət etməyə çağırıb.

Dünyanın ən böyük təbii qaz və neft ehtiyatlarına malik ölkələrdən biri olan İran son aylarda iqtisadi sanksiyaların ağır təzyiqi, qeyri-adekvat infrastruktur və sürətlə artan enerji tələbi səbəbindən enerji böhranı yaşayır.

İranda enerji tələbatı xüsusilə isti havalarda kondisionerlərdən istifadə olunduğu zaman pik həddə çatır. Ölkədə enerjiyə qənaət praktikası geniş yayıldıqca, səlahiyyətlilər resurslardan səmərəli istifadə etməyə çağırırlar.