Azərbaycanın sabiq xarici işlər naziri Tofiq Zülfüqarov Kremlin siyasəti, onun tarixi mahiyyəti və müttəfiqlərə münasibəti barədə sərt bəyanatla çıxış edib. Məlumata görə, o bildirib ki, müxtəlif dövrlərdə Rusiyanı idarə edənlərin titulları – çar, imperator, baş katib və ya prezident – dəyişsə də, idarəçilik üsulu daim sabit qalıb.“Rusiya özünü ‘üçüncü Roma’ elan etdikdən sonra onun idarəçiləri özlərini çar, imperator, baş katib və ya prezident adlandırıblar – çox şey dəyişib, lakin ölkənin idarəçiliyi və xarici siyasətində bizansvari metod dəyişməz qalıb”, – deyə Zülfüqarov qeyd edib.
O, belə bir sistemdə hətta müttəfiq olmağın belə təhlükəli olduğunu vurğulayıb: “Qayda dəyişməz qalır: Moskvaya düşmən olmaq təhlükəlidir, lakin dost olmaq ölümcül təhlükəlidir”. Zülfüqarovun fikrincə, təkcə Azərbaycanın deyil, bir çox başqa ölkənin müasir tarixi bu fikri dəfələrlə sübut edib.
çap et