Bu gün səhər Sikstin Kapellasına toplaşan kardinallar növbəti dəfə yeni papa seçə bilməyiblər. Dünən axşam səsvermənin nəticəsi iki saatdan çox gecikdikdən sonra növbəti tur qara tüstü ilə başa çatıb.Bugünkü ikinci sessiyanın bir azdan başlayacağı gözlənilir. Növbəti Papanın seçilməsi üçün Konklavda çoxluğu yaratmaq üçün minimum 89 səs lazımdır.
Digər tərəfdən, həm mərc agentliklərində, həm də İtaliya mətbuatında yayılan xəbərlərə görə, seçilmək ehtimalı ən yüksək olan kardinal Pietro Parolin və filippinli kardinallar qrupundan başqa başqa adlar da ortaya çıxıb.
Bunlardan biri Çikaqoda doğulmuş və Avropa əsilli ailədə böyümüş kardinal Robert Prevostdur. Prevost 2023-cü ildə onu kardinal təyin edən Papa Fransislə sıx əlaqələrə malikdir.
Kardinal Covanni Battista Re, bu gün bacadan ağ tüstü çıxdığını görəcəyinə ümid etdiyini söyləmişdi.
2013-cü ildə Papa Fransis iki günlük konklavdan sonra seçilmişdi. Ovaxtkı çevik qərar kardinallar arasında güclü konsensus əks etdirmişdi.
Dünən konklav başlamazdan əvvəl kardinallar başqa bir qısa konklav istədiklərini bildirmişdilər.
çap et