Almaniya son vaxtlar ifrat sağçı, anti-immiqrant partiyası AfD-nin qadağan edilməsini müzakirə edir. Vətəndaşlar da ötən həftə sonu AfD-nin qadağan olunmasını tələb edərək etiraz aksiyası keçiriblər. Federal kansler Fridrix Merz isə AfD-nin qadağan ediləcəyinə şübhə ilə yanaşır.***
“Bu, mənə siyasi rəqibləri aradan qaldırmaq kimi görünür”, – Merz “Die Zeit”ə deyib. Kansler həmçinin əvvəlki hökumətin Konstitusiyanın Müdafiəsi üzrə Federal Bürosunun AfD ilə bağlı hesabatına münasibətini tənqid edib. Merzin sözlərinə görə, hesabat “heç bir obyektiv nəzərdən keçirilmədən” təqdim edilib.
Merz hesabatı oxumadığını da bildirib. “Mən bu hesabatın məzmununu bilmirəm və düzünü desəm, Federal Daxili İşlər Nazirliyi bu hesabata qiymət verənə qədər bilmək istəmirəm”, – Federal Kansler deyib.
***
Təxminən iki həftə əvvəl AfD Konstitusiyanın Müdafiəsi Federal İdarəsi tərəfindən sağçı ekstremist partiya kimi təsnif edilmişdi. Bu təsnifat AfD-nin açdığı iddiaya görə müvəqqəti olaraq dayandırılıb. Lakin hakimiyyət öz qiymətləndirməsinə sadiq qalır. Bundan əlavə, AfD-nin bir neçə dövlət birlikləri və şöbələri də ifrat sağçılar kimi təsnif edildi.
çap et