Müasir Yaxın Şərqin qarışıq mənzərəsində çox az lider Məhəmməd bin Salman bin Əbdüləziz qədər cəsarətli və geniş baxışlı ola bilib. O, sadəcə bir siyasi şəxsiyyət deyil, eyni zamanda ənənə ilə modernliyi birləşdirərək Səudiyyə Ərəbistanını və ümumilikdə İslam dünyasını yeni və parlaq bir gələcəyə aparmaq istəyən islahatçı bir liderdir.
Məhəmməd bin Salman İslam mirasından güc alaraq qlobal və gələcəyə yönəlik bir baxışla çıxış edir. “Vision 2030” proqramı sadəcə bir iqtisadi plan deyil; bu, tarixdən miras qalmış durğunluqdan qurtuluş və müasir, şaxələnmiş bir cəmiyyətə keçid yoludur. O, keçmişin şüarlarında ilişib qalmadan, gələcəyi reallıq və ağıl üzərində qurmaq istəyir. Onun baxışında İslam - sülh, inkişaf, sosial ədalət və fikri azadlıqla bir arada mövcud olan bir dindir.
Ən diqqətçəkən tərəflərindən biri də onun cəmiyyət və din sahəsində apardığı islahatlardır. Qadınların hüquqlarının genişləndirilməsi, dini polisin səlahiyyətlərinin azaldılması və orta yol İslamının təşviqi onun dini siyasətdən ayırmaq və əxlaqı-ruhani əsaslara qaytarmaq istəyin şəxsiyyətdir. O, radikalizmə qarşı açıq mövqe sərgiləyərək “orta yol, açıq və qapsayıcı İslam”a çağırış edir.
Məhəmməd bin Salman Səudiyyə Ərəbistanının qlobal siyasətdəki rolunu yenidən müəyyənləşdirir. Qərblə olan ənənəvi münasibətləri yenidən qurarkən, eyni zamanda Çin, Hindistan və Türkiyə kimi yüksələn güclərlə də strateji tərəfdaşlıqlar qurur. Bu, onun geniş geosiyasi düşüncə qabiliyyətinin sübutudur.
O, təkcə bu günü yox, gələcək nəsilləri də düşünür. Məhəmməd bin Salman, İslam tarixində yeni bir səhifə açmaq istəyir – elə bir səhifə ki, müsəlman xalqları yenidən qlobal mədəniyyətin mərkəzində yer alsın. NEOM layihəsi onun bu baxışının əsas simgəsi olaraq texnologiya, davamlılıq, mədəniyyət və insan mərkəzli inkişafın vəhdətini dünyaya ərməğan edir.
Şübhəsiz Məhəmməd bin Salman çağdaş İslam dünyasında nadir rast gəlinən bir şəxsiyyətdir – sərhədləri və ideologiyaları aşan bir islahatçıdır. Əgər onun qoyduğu bu yol digər zəngin ərəb dövlətləri tərəfindən də davamlı olaraq müdriklik və qətiyyətlə izlənərsə, o, gələcək nəsillər tərəfindən İslam dünyasının yenidən yüksəlişə başladığı dövrün banisi kimi qalacaq və çağdaş gələcəyin davamlı inkişafı qaçırılmaz olacaq.
çap et