ABŞ Prezidenti Donald Tramp administrasiyası mühacirlərə qarşı təzyiq və deportasiya təcrübələrini davam etdirərkən, Daxili Təhlükəsizlik Departamentinin mühacirlərin ABŞ vətəndaşlığı uğrunda yarışacaqları “realiti şou” nəzərdən keçirdiyi bildirilir.“The New York Times” (NYT) qəzetinə görə, nazirliyin sözçüsü Trişa Maklaflin, “oyunu dəyişdirən addımlar”ı nəzərdən keçirməkdən məmnun olduqlarını deyib. Səlahiyyətlilərin dünən verdiyi məlumata görə, immiqrantlar televiziya şousunda bir sıra çətinlikləri aşaraq ABŞ vətəndaşlığını almağa çalışacaqlar.
***
Məlumata görə, sınaqlar müxtəlif Amerika ənənələri və adətləri əsasında aparılacaq. Daxili Təhlükəsizlik Departamentinin sözçüsü Maklaflin bildirib ki, agentlik hazırda bu planı müzakirə edir. Bildirilib ki, ideyanı ortaya qoyan şəxs Rob Uorsof adlı prodüserdir.
Maklaflin bu təklifin “Amerikalı olmağın nə demək olduğunu və ABŞ vətəndaşı olmağın nə qədər imtiyaz olduğunu” qeyd etdiyini deyib.
Sözçü, nazirliyin “oyunu dəyişdirən addımlar”ı müzakirəsindən məmnunluğunu və bunun xüsusilə “amerikalı olmağın nə demək olduğunu” qeyd edən addımlar və təkliflər üçün doğru olduğunu deyib.
***
49 yaşlı Kanada əsilli amerikalı prodüser Uorsof, bu ideyanın ona vətəndaşlıq alarkən gəldiyini söylədi. Uorsof, immiqrantların şou proqramı çərçivəsində müxtəlif ştatlarda yarışmasının gözlənildiyini və bu yarışmalardan birinin Texas və ya Floridada NASA-nı vurğulayan yarışma ola biləcəyini, burada miqrantlardan raket toplayıb atmalarının tələb oluna biləcəyini söylədi.
Uorsof görə, şouda trivia və ya şəhər çağırışları kimi yarışmalar da ola bilər. Uorsof deyib ki, müsabiqə bir nəfərin ABŞ vətəndaşı olması ilə başa çata bilər. Prodüser əlavə edib ki, verilişin faktiki təfərrüatları telekanalların nə istədiyindən və Daxili Təhlükəsizlik Departamentinin nə edə biləcəyindən asılı olacaq.
çap et