Fransa Senatının şüşə su sənayesi ilə bağlı apardığı 6 aylıq araşdırma nəticəsində hazırlanan hesabatda “Nestle Waters”ın bəzi mineral su markalarında qadağan olunmuş su təmizləmə üsullarından istifadə etdiyi və bu vəziyyətin Fransa dövləti tərəfindən qəsdən gizlədildiyi ortaya çıxıb.
İstintaq müəyyən edib ki, “Nestlé” 2020-ci ilin sonunda “Perrier”, “Hépar” və “Contrex” brendlərində qeyri-qanuni təcrübələrə əl atıb, 2021-ci ilin ortalarında hökuməti məlumatlandırıb və daha sonra Prezidentliyə qədər uzanan əlaqələr qurub. Lakin vəziyyətlə bağlı ictimaiyyətin məlumatlandırılması üçün 2024-cü ilə qədər vaxt lazım idi.
***
Senatın hesabatında “demək olar ki, dörd il keçməsinə baxmayaraq, hələ də ictimaiyyətə tam şəffaflıq təmin edilmədiyi” ifadə edildi və dövlətin həm Fransa xalqını, həm də yerli və Avropa hakimiyyət orqanlarını qəsdən məlumatlandırmadığı vurğulandı.
***
“Nestlé” qadağan olunmuş təmizləmə üsulları yerinə “mikrofiltrasiyaya” keçdiyini iddia etsə də, bu üsulun suyun təbii xüsusiyyətlərini poza biləcəyi bildirilir. İstintaq komitəsi bəyan edib ki, dövlətin bu üsulu səssizcə təsdiqləməsi “sənaye ilə dövlət arasında güc balanssızlığını” ortaya qoyur.
***
Hesabatda, Baş Nazirlikdə və Prezidentlikdə alınan qərarların 2022-ci ildən bəri “Nestle”nin qeyri-qanuni tətbiqlərindən xəbərdar olduğu, lakin tədbir görülmədiyi ifadə edildi.
İstehlakçıların hüquqlarının müdafiəsi qrupu “Foodwatch” da qalmaqalla əlaqədar aldadıcı təcrübələrə görə “Nestlé”yə qarşı cinayət işi qaldırıb.
***
Senatın hesabatında mənbə suyunun keyfiyyətinin monitorinqi, sənaye suyunun çəkilməsinə nəzarət və şəffaf etiketləmə kimi məsələləri əhatə edən 28 maddəlik islahat təklifləri də yer alıb.
çap et