“Moody's”in ABŞ-ın kredit reytinqini aşağı salmasından qaynaqlanan təhlükəsiz liman tələbinin təsiri azaldığından qızıl ucuzlaşıb. Bazarların diqqəti dünyanın iki ən böyük iqtisadiyyatı arasında ticarət gərginliyinin azaldılmasına yönəlib.Külçə bazar ertəsi qazanclarının bir hissəsini silərək, 0,5 faiz ucuzlaşaraq 3,212 dollara düşüb. Asiya fond bazarları “Wall Street”in ardınca daha yüksək risk iştahası ümumi bazar atmosferi yaradıb. Bu, qızıl üçün mənfi bir irəliləyiş olub.
Qızıl ilin əvvəlində ABŞ prezidenti Donald Trampın sərt ticarət siyasətinin qlobal bazarları sarsıtması fonunda kəskin bahalaşmışdı. Tramp bir çox tarif təhdidlərini dayandırandan sonra qiymətli metalın qazancları bu ay geri çəkildi. Yenə də Trampın qlobal iqtisadiyyata daxil etdiyi qeyri-müəyyənlik səbəbindən qızılın kəskin ucuzlaşması gözlənilmir. Qızıl ilin əvvəlindən bu yana 20 faizdən çox bahalaşıb.
Sinqapur vaxtı ilə saat 12:00-a olan məlumata görə, qızılın unsiyası 0,5 faiz ucuzlaşaraq 3211,88 dollar olub. “Bloomberg Dollar Spot” İndeksi dünənki 0.6 faiz enişdən sonra sabit idi. Gümüş qiymətləri ucuzlaşıb, platin və palladium isə bir qədər yüksəlib.
çap et