Rəqəmsal ödəmə dünyasına xoş gəlmisiniz

Nəhəng bank bankomatları yığışdırır, ofislərini bağlayır, ixtisarlara başlayır

Qlobal maliyyə nəhənglərinin başlatdığı “nağdsız cəmiyyət” təşəbbüsündə ən diqqətəlayiq addımlardan biri Avstraliyada yerləşən və çoxmillətli bank nəhəngi “Westpac Banking Corporation” tərəfindən atılıb.

Çoxmillətli elektron bankçılıq nəhəngi “Westpac”, “nağdsız cəmiyyət” proqramının bir hissəsi olaraq ölkə daxilində bank filiallarının və bankomatlarının sayını azaldacağını açıqladı. Birinci mərhələdə 1500 nəfərin ixtisar ediləcəyi gözlənilsə də, bu addım dünya üzrə bütün banklar üçün yeni prosesə başlaya bilər.

***

“World Bosses Media”nın xəbərinə görə, 1817-ci ildə “Bank of New South Wales” adı ilə qurulan və 1982-ci ildə Avstraliya Kommersiya Bankını satın aldıqdan sonra “Westpac Banking Corporation”a çevrilən bank nəhəngi planlarını “nağdsız cəmiyyət” çərçivəsində həyata keçirir.

***

Bank nəhəngi “Westpac” ölkə daxilində onlarla bankomat və filialını bağladıqdan sonra etirazla üzləşib. Bank filiallarının və bank ATM-lərinin sayı son 7 ildə yarıdan çox azalaraq 30 iyun 2024-cü il tarixinə 19.508-dən 8.836-ya düşüb. Bu azalmada “Westpac” və “Commonwealth Bank”ın mühüm rol oynadığı bildirilir.

Avstraliya Ehtiyatlı Tənzimləmə Təşkilatının məlumatına görə, son maliyyə ilində 926 bankomat, son 7 ildə isə banka məxsus 8338 bankomat bağlanıb.

***

“Westpac”ın 2024-cü il illik hesabatına görə, keçən sentyabr ayına olan məlumata görə, bankın dünya üzrə 35 240 işçisi var. Beş faizlik ixtisar, keçən maliyyə ilində yüzlərlə iş yerinin itirilməsi ilə yanaşı, təxminən 1700 daha çox iş yerinin itirilməsi deməkdir.

İxtisarların son dalğası, “Bankwest”in ana şirkəti “Commonwealth Bank”ın daha geniş yenidən qurulmasının bir hissəsi olaraq 58 işçini işdən çıxarmasından sonra gəlib. Bank ümumilikdə 163 əməkdaşını ixtisar edib və bu, onun nüfuzuna xələl gətirib. Vaşinqtonda yerləşən “Bankwest”də ixtisarlar biznesin tam rəqəmsal modelə keçməsi ilə əlaqədardır.