ABŞ-da gündə təxminən 7 saatını ekran qarşısında keçirən “Z” nəslinin nümayəndələri bu vaxtı pula çevirməyin yolunu tapıblar. Gənclər, müəyyən mənada, bütün rəqəmsal izlərini məlumat toplama şirkətlərinə sataraq pul qazanırlar... Təbii ki, məsələnin “fərdi məlumatların qorunması” tərəfi kifayət qədər mübahisəlidir.“The New York Post”un məlumatına görə, “Generation Lab” adlı gənclərə yönəlmiş tədqiqat şirkəti “Verb.AI” adlı yeni tətbiqi istifadəyə verib. Bu proqram istifadəçilərinin baxdıqları şeylər haqqındadır; O, real vaxt rejimində istifadəçilərin davranışlarını izləyir və qeyd edir. Məsələn, nəyə baxır və nəyə klikləyir və bunun müqabilində istifadəçilərə ayda 50 dollar və ya daha çox pul ödəyir.
“İllərdir şirkətlər istifadəçi məlumatlarını ədalətsiz şəkildə toplayır. Biz bu məlumatları şəffaf şəkildə toplayır və real təzminat təklif edirik”, – “Generation Lab”ın baş direktoru Kirus Besçloss “Axios2a”ya bildirib.
***
“Verb.AI” istifadəçinin rəqəmsal vərdişlərinə əsaslanaraq “rəqəmsal əkiz” yaradır. Bu əkiz şirkətlərin araşdırma suallarına cavab vermək üçün istifadə olunur. İstifadəçidən alınan məlumatlar siyasi təşkilatlardan tutmuş investorlara qədər çox fərqli profillərə malik qurumlara satılır.
***
“Z” nəsli indi məlumat izləmə mövzusunda çox açıq fikirlidir, lakin onlar bunu pulsuz qəbul etmirlər. “eMarketer” məlumatlarına görə, “Z” nəslinin 88 faizi şəxsi məlumatlarını sosial media şirkətləri ilə paylaşmağa açıqdır.
Amma gənc istifadəçilər də nəzarətdə olmaq istəyirlər. MakKinsinin 2022-ci ildə apardığı araşdırmaya görə, “Z” nəsli, xidmətdən istifadə etdikdən sonra məxfilik üçün pul ödəyə və ya məlumatlarını tamamilə silə biləcək nəsildir.
çap et