Braziliyadakı Cundiay çayı son bir neçə gündə qəfildən mavi rəngə çevrilib. Mavi rəng o qədər təsirli idi ki, canlılar, o cümlədən ördəklər də bu vəziyyətdən rənglərini dəyişdilər. Bu hadisənin səbəbi aydınlaşdıqdan sonra yerli əhali böyük etiraz nümayiş etdirdi.Hadisənin yük maşınının daşıdığı mavi boya məhlulunun çaya tökülməsi nəticəsində baş verdiyi öyrənilib. Bildirilib ki, yük maşını idarəetməni itirərək elektrik dirəyinə çırpılıb və nəticədə içindəki boya məhlulu kanalizasiya sistemi ilə birbaşa çaya axıb.
Səlahiyyətlilər, ətrafa tökülən maddənin sirkə turşusu olan boya olduğunu, polistirol və yumurta kartonları kimi qablaşdırma materiallarının istehsalında istifadə edilən kimyəvi maddə olduğunu bildirib. Aşağı dozada insanlar üçün zəhərli olan bu maddənin təbii su ekosistemi ilə qarışması balıqlar, bitkilər və digər su həyatı üçün ciddi təhlükə yaradır.
***
Hadisədən sonra əraziyə dərhal təcili yardım qrupları göndərilib və boyanın yayılmasının qarşısını almaq üçün işlərə başlanılıb. Səlahiyyətlilər çaydakı ekosistemin qorunması üçün lazımi tədbirlərin görüldüyünü və hadisənin ətraf mühitə təsirini minimuma endirmək üçün səylərin davam etdiyini bildirib.
çap et