İllərdir arıqlama prosesini paylaşaraq və arıqlama kursları sataraq izləyicilər qazanan sosial mediada fenomeni dərman istifadə etdiyini açıqladıqdan sonra etirazla qarşılanıb.Arıqlama səyahətini sosial şəbəkədə paylaşaraq milyonlarla izləyiciyə qazanan fenomen Canelle Rohner keçən ay verdiyi açıqlama ilə gündəm olub.
Rohner, son arıqlamasının bir hissəsinin GLP-1 sinifli dərmanlardan istifadə etməsi ilə bağlı olduğunu dedikdə, o, xüsusən də onun makronutrientlər üzrə 200 dollarlıq kursunu satın almış izləyicilərindən çoxlu kəskin etirazlar gəlib.
TikTok-da 5 milyondan çox izləyicisi olan Rohner arıqlamaq istəyənlər üçün aşağı kalorili reseptlər, həyat tərzi məsləhətləri və təlim kursu təqdim edib.
Bununla belə, izləyiciləri onun GLP-1-in arıqlamaq üçün istifadə edildiyi barədə gec açıqlamasını “etibarın pozulması” kimi qiymətləndirdilər.
***
Son illərdə arıqlamaq üçün GLP-1 sinifli dərmanların istifadəsi artsa da, bu dərmanlar sosial mediada müzakirə mövzusu olmaqda davam edir. Bu hadisə, sosial media fenomenləri və onların izləyiciləri arasındakı əlaqəni şəffaflıq və etimad vasitəsilə yenidən gündəmə gətirdi.
Rohner açıqlamasında bir ildir həkim nəzarəti altında GLP-1 istifadə etdiyini, lakin bu prosesin asan olmadığını bildirib.
Rohner keçmişdə keto pəhriz, makro izləmə və məşq kimi bir çox üsul sınadığını və təcrübələrini həmişə açıq şəkildə paylaşdığını iddia edərək, “GLP-1-lər sehrli deyil, həyat tərzinizi bir gecədə dəyişmir”, – deyib.
Etirazlardan sonra Rohner kursu alan və özünü aldadılmış hiss edən hər kəsə “Mən hələ də bu dərslərə inanıram” deyərək pulunun geri qaytarılmasını təklif edib.
Rohner əlavə edib ki, onun kursu son illərdə onsuz da nadir hallarda satılıb və aktiv şəkildə satılmayıb.
Ancaq tənqidlər davam edib.
çap et