ABŞ-da Donald Tramp administrasiyası Fələstinə dəstəyi ilə önə çıxan Harvard Universitetinin beynəlxalq tələbə qəbulu proqramını “müvafiq qanunlara uyğun gəlmədiyi” səbəbilə dayandırıb.
ABŞ Daxili Təhlükəsizlik Naziri Kristi Noem Harvard Universitetinə məktub göndərdiklərini və qərarlarını məktəbi məlumatlandırdıqlarını açıqladı.
Katib Noem, “X” hesabında paylaşdığı bir şərhdə, "Mən Harvard Universitetinin Tələbə və Mübadilə Proqramı sertifikatının ləğv edildiyini, qanunun dərhal qüvvəyə mindiyini elan edirəm”, – deyib.
ABŞ katibi deyib ki, Tramp administrasiyası Harvardı “şəhərciyində zorakılıq və antisemitizmi təşviq etmək və Çin Kommunist Partiyası ilə koordinasiya etmək” üçün məsuliyyət daşıyıb.
Universitetlərin beynəlxalq tələbə qəbulunun haqq deyil, imtiyaz olduğunu müdafiə edən Noem, "Harvardın doğru şeyi etmək üçün çoxlu imkanları vardı və onlar bundan imtina etdilər. Qanuna uyğun gəlmədikləri üçün Tələbə və Mübadilə Proqramı sertifikatlarını itirdilər”, – deyib.
Federal hökumət Fələstinə və müxtəliflik, bərabərlik və inklüzivlik proqramlarına dəstək üçün kampus etirazlarını əsas gətirərək, Harvard da daxil olmaqla bir neçə universitet üçün federal maliyyəni dondurmaqla hədələyib.
Bu proses zamanı Ədliyyə Departamenti, Səhiyyə və İnsan Xidmətləri Departamenti, Təhsil Departamenti və Ümumi Xidmətlər Administrasiyası (GSA) ilə birgə “Antisemitizmlə Mübarizə Qrupu” yaradılıb.
Tramp administrasiyası Harvard üçün 2,2 milyard dollar maliyyə vəsaitini və 60 milyon dollarlıq müqavilə haqqını dondurmaq qərarına gəldi və universitet federal hökumətin vəsaitləri dondurmasının qanunsuz olduğunu əsas gətirərək qərarın qarşısını almaq üçün məhkəməyə müraciət etdi.
çap et