İran prezidenti Məsud Pezeşkian Tehranda keçirilən Beynəlxalq Bərpa Olunan Enerji Konfransındakı çıxışında ölkədə işıqların kəsilməsinə də səbəb olan enerji problemlərini həll etməyə çalışdıqlarını bildirib.Ölkədə həddindən artıq enerji istehlakı olduğunu və bununla bağlı ictimaiyyətdən dəstək istədiklərini ifadə edən Pezeşkian “Qiymət trendi belə olmayacaq. Elektrik enerjisini pulsuz verəndə onun dəyəri bilinmir”, – deyib.
Tehranda çıxış edən və bərpa olunan enerjinin istifadəsinə keçəcəklərini ifadə edən Pezeşkian, “Tullantı yanacaq istifadəsini azaltmalı və təmiz enerjidən istifadə etməyə çalışmalıyıq” dedi.
Ölkənin enerji problemlərinin də həddindən artıq istehlakla bağlı olduğuna diqqət çəkən Pezeşkian, “Məlumatlara görə, bir çox Avropa ölkəsindən 6 qat daha çox elektrik istehlak edirik. İnsanlar daha çox dəstək olsa, bu vəziyyəti düzəldə bilərik”, – deyib.
Ölkədəki elektrik tariflərinin də qeyri-kafi olduğuna diqqət çəkən Pezeşkiyan, “Qiymət trendi belə olmayacaq. Pulsuz elektrik verəndə onun dəyəri bilinmir. İnkişaf etmiş ölkə olmaq istəyiriksə, günəş enerjisinə müraciət etməliyik”, – dedi.
***
Digər tərəfdən, Tehranda bəzi dövlət inzibati idarələrinin həddindən artıq su istehlakı aşkar edildikdən sonra onların su təchizatının kəsildiyi bildirilib.
Dünyanın ən böyük təbii qaz və neft ehtiyatlarına malik ölkələrdən biri olan İran son aylarda iqtisadi sanksiyaların ağır təzyiqi, infrastruktur investisiyalarının qeyri-kafi olması və enerji tələbatının sürətlə artması səbəbindən ciddi enerji böhranı yaşayır.
Son aylarda ölkədə enerjiyə qənaət təcrübələri getdikcə geniş yayılıb.
Xüsusilə isti havalarda kondisionerlərin işə salınması səbəbindən enerji tələbatı pik həddə çatdığı üçün səlahiyyətlilər tez-tez əhalini resurslardan daha qənaətlə istifadə etməyə çağırırlar.
çap et