ABŞ prezidenti Donald Trampın Avropa Birliyi ilə ticarətə dair sərt mövqeyini yumşalda biləcəyinə dair işarələrdən sonra təhlükəsiz limana tələbin zəifləməsi ilə qızıl ucuzlaşıb.Külçə keçən həftə təxminən 5 faiz bahalaşmışdı və Trampın AB-yə 50 faizlik tarifləri silmək planlarını iyulun 9-na qədər təxirə salacağını elan etdikdən sonra bu gün bir unsiyası təxminən 3,350 dollara satıldı.
Bu müddət tərəflərə ticarət müqaviləsi üzrə danışıqlar aparmağa imkan vermək üçün verilib. Mayın 23-də ABŞ prezidenti Tramp AB-ni gözləniləndən yüksək tariflər tətbiq etməklə hədələdi və həmçinin “Apple”ı ABŞ-da “iPhone” istehsal etmədiyi təqdirdə 25 faiz tariflərə məruz qalacağı ilə bağlı xəbərdar etmişdi.
ABŞ-da yeni administrasiyanın başlatdığı ticarət müharibəsi qızılın bu il 25 faizdən çox qazanmasına səbəb olub. Qiymətlər hazırda keçən ay bütün zamanların ən yüksək səviyyəsindən təxminən 150 dollar aşağı ticarət olunur.
Bakı vaxtı ilə səhər saat 11:22-ə olan məlumata görə, spot qızıl 0,3 faiz ucuzlaşaraq bir unsiya üçün 3,346,82 dollar olub. “Bloomberg Dollar Spot” İndeksi dəyişməyib. Gümüş və palladium qiymətlərində də ciddi dəyişiklik baş verməyib.
çap et